ՃԱՊՈՆԻԱՅԻ ՎԱՐՉԱՊԵՏԸ ԽՈՍՏՈՎԱՆԵԼ Է, ՈՐ ԿԱՌԱՎԱՐՈՒԹՅՈՒՆԸ
ՊԱՏԱՍԽԱՆԱՏՎՈՒԹՅՈՒՆ Է ԿՐՈՒՄ ՀԵՊԱՏԻՏ C-ՈՎ ՔԱՂԱՔԱՑԻՆԵՐԻ ՎԱՐԱԿՄԱՆ
ՀԱՄԱՐ
24-12-2007 20:05:00 | Ճապոնիա | Միջազգային
ՏՈԿԻՈ, 24 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ճապոնիայի վարչապետ
Յասուո Ֆուկուդան խոստովանել է, որ կառավարությունը
պատասխանատվություն է կրում հեպատիտ C-ով մի քանի հարյուր ճապոնացի
քաղաքացիների վարակման համար, որոնց դուրս են գրվել փչացած
դեղամիջոցներ: «Դեղաբանական հարցերը իշխանությունների իրավասության
մեջ են մտնում, որոնք թույլ են տալիս դրանց օգտագործումը: Այդ
տեսանկյունից կառավարությունը պատասխանատվություն է կրում, այդ
թվում` բարոյական»,- հայտարարել է Ճապոնիայի վարչապետը:
Ճապոնիայի հինգ դատարաններում մոտ 200 հայցատուներ
փոխհատուցում են պահանջում կառավարությունից եւ դեղագործական
ընկերություններից` արյան մակարդման համար խոտանված պատրաստուկների
կիրառման հետեւանքով առողջությանը պատճառված վնասի դիմաց: Բոլոր
այդ դեպքերը տեղ են գտել դեռեւս 1980-ական թվականներին, սակայն
մինչ օրս կողմերը չէին կարողացել պայմանավորվածության հասնել այդ
խնդրի լուծման եղանակի մասին: