ՀԱՐԻՒՐ ԻՐԱՔՑԻՆԵՐ ԻՍԼԱՄԱԿԱՆ ՏՈՆԻ ԿԱՊԱԿՑՈՒԹԵԱՄԲ ԱԶԱՏ ԵՆ
ԱՐՁԱԿՈՒԵԼ ԱՄԵՐԻԿԵԱՆ ԲԱՆՏԻՑ
20-12-2007 19:00:00 | | Միջազգային
ԲԱՂԴԱԴ, 20 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Մուսուլմանական Իդ
ալ-Ադհա զոհաբերության տոնի կապակցութեամբ իրաքցի հարիւր
բանտարկեալներ են ազատ արձակուել Բաղդադի մօտակայ Քեմպ-Կրոպպեր
ճամբարի ամերիկեան բանտից: Այս մասին յայտնել է ամերիկեան
զինուորական հրամանատարութեան ներկայացուցիչը:
Ամերիկացիների տուեալներով, այդ ճամբարում պահւում են մօտ 4
հազար բանտարկեալներ, եւս 21 հազարը գտնւում են Իրաքի հարաւում
Բասրա քաղաքի մերձակայքում գտնուող Քեմպ-Բուկկա բանտային ճամբարում:
Գերիների մեծ մասին պաշտօնապէս մեղադրանք չի ներկայացուած: Կալանքի
տակ պահելու միջին ժամկէտը մէկ տարի է:
Ըստ ամերիկացի զինվորականների տեղեկատուութեան, հաջի աւարտի եւ
Իդ ալ-Ադհա տոնի առթիւ ներման են արժանացել մօտ 850 իրաքցիներ: