ԿԻԵՎ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Իւլեա Տիմոշենկոն այսօր
կրկին գլխաւորեց Ուկրաինայի կառավարութիւնը` երկու տարի եւ երեք
ամիս անց վերադառնալով այդ պաշտօնին: Նա դարձաւ անկախ Ուկրաինայի
պատմութեան մէջ թւով 16-րդ վարչապետը:
Նրան վարչապետ հաստատելու համար անհրաժեշտ էր պարզ
մեծամասնութիւն` 450 պատգամաւորից 226: Հենց այդքան պատգամաւորներ
էլ քուէարկել են նրա թեկնածութեան օգտին:
Տիմոշենկոն յայտարարել է, որ Ուկրաինայի նոր կառավարութեան
համար առաջնային կլինեն էներգետիկական անվտանգութեան, դատական
բարեփոխումների, ներդրումային կլիմայի բարելաւման հարցերը:
Ռուսաստանի հետ յարաբերութիւններում Տմոշենկոն ցանկանում է առաջին
հերթին փոխել առանց միջնորդների գազի մատակարարումների սխեման: