ԵՄ ԵՐԿՐՆԵՐԸ ՍՏՈՐԱԳՐԵԼ ԵՆ ԵՒՐՈՄԻՈՒԹԵԱՆ ՆՈՐ ՀԻՄՆԱՐԱՐ
ՀԱՄԱՁԱՅՆԱԳԻՐ
13-12-2007 19:15:00 | | Միջազգային
ԼԻՍԱԲՕՆ, 13 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Պորտուգալիայի
մայրաքաղաքում ստորագրուել է Եւրամիութեան նոր հիմնարար
համաձայնագիր: Փաստաթուղթը, որը նախատեսում է նրա ղեկավար
հաստատութիւնների լուրջ բարենորոգում, ստորագրել են ԵՄ անդամ
բոլոր 27 երկրների ղեկավարները, բացառութեամբ Մեծ Բրիտանիայի:
«Հին մայրցամաքում ծնուեց նոր Եւրոպան»,- յայտարարել է
Եւրայանձնաժողովի ղեկավար Ժոզէ Մանուել Բարրոզուն: Նա ընդգծել է,
որ փաստաթուղթը դարձաւ «ընդլայնուած Եւրոպայի համաձայնագիրը», որ
Միջերկրական ծովից ձգւում է մինչեւ Բալթիկա: «Երբեմնի երկաթյա
վարագույրով անջատուած` հիմա նա միաւորուած է պայմանագրով»,- նկատել
է նա:
«Ստորագրելով համաձայնագիրը, մենք միաժամանակ ստանձնում ենք
նրա վաւերացման պատասխանատւութիւնը»,- յիշեցրել է Եւրախորհրդարանի
նախագահ Հանս-Գերտ Պոտտերինգը: Ըստ նրա, փաստաթղթի ստորագրումը
ապացուցեց, որ Եւրոպան, որը դեռ տարուայ սկզբին խոր ճգնաժամի մէջ էր,
«կարողացաւ դուրս գալ նրանից էլ աւելի ուժեղ»: