ԵՄ ԵՐԿՐՆԵՐԸ ՍՏՈՐԱԳՐԵԼ ԵՆ ԵՎՐՈՄԻՈՒԹՅԱՆ ՆՈՐ ՀԻՄՆԱՐԱՐ
ՀԱՄԱՁԱՅՆԱԳԻՐ
13-12-2007 19:15:00 | Պորտուգալիա | Միջազգային
ԼԻՍԱԲՈՆ, 13 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Պորտուգալիայի
մայրաքաղաքում ստորագրվել է Եվրամիության նոր հիմնարար
համաձայնագիր: Փաստաթուղթը, որը նախատեսում է նրա ղեկավար
հաստատությունների լուրջ բարենորոգում, ստորագրել են ԵՄ անդամ
բոլոր 27 երկրների ղեկավարները, բացառությամբ Մեծ Բրիտանիայի:
«Հին մայրցամաքում ծնվեց նոր Եվրոպան»,- հայտարարել է
Եվրահանձնաժողովի ղեկավար Ժոզե Մանուել Բարրոզուն: Նա ընդգծել է,
որ փաստաթուղթը դարձավ «ընդլայնված Եվրոպայի համաձայնագիրը», որ
Միջերկրական ծովից ձգվում է մինչեւ Բալթիկա: «Երբեմնի երկաթյա
վարագույրով անջատված` հիմա նա միավորված է պայմանագրով»,- նկատել
է նա:
«Ստորագրելով համաձայնագիրը, մենք միաժամանակ ստանձնում ենք
նրա վավերացման պատասխանատվությունը»,- հիշեցրել է Եվրախորհրդարանի
նախագահ Հանս-Գերտ Պոտտերինգը: Ըստ նրա, փաստաթղթի ստորագրումը
ապացուցեց, որ Եվրոպան, որը դեռ տարվա սկզբին խոր ճգնաժամի մեջ էր,
«կարողացավ դուրս գալ նրանից էլ ավելի ուժեղ»: