ԵՐԿՈՒ ՊԱՅԹԻՒՆ Է ՈՐՈՏԱՑԵԼ ՍՈՄԱԼԻԻ ՄԱՅՐԱՔԱՂԱՔՈՒՄ. ԿԱՆ ԶՈՀԵՐ
ԵՎ ՎԻՐԱՒՈՐՆԵՐ
13-12-2007 16:20:00 | | Միջազգային
ՄՈԳԱԴԻՇՕ, 13 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Երկու հզօր պայթիւն
է որոտացել Սոմալիի մայրաքաղաք Մոգադիշոյի առեւտրական կենտրոնում:
Ոստիկանութեան տուեալներով, ինը մարդ զոհուել է, 12-ը` վիրաւորուել:
Իշխանութիւնների ներկայացուցիչները ենթադրում են, որ
պայթիւնների յետեւում կանգնած են իսլամական ապստամբները, որոնք
պայքար են մղում ընդդէմ անցումային կառավարութեան:
Սոմալիի ազգային անվտանգութեան նախարարութեան տուեալներով,
իսլամիստների ուժերը, որ ջախջախվել էին անցած տարեվերջին
կառավարական զօրքերի կողմից եթովպիական բանակի աջակցութեամբ,
ներկայումս ակտիւացրել են իրենց գործունէութիւնը եւ
վերախմբաւորւում են: Իշխանութիւնները տեղեկութիւններ ունեն, որ
հակառակորդը նոր յարձակումներ է ծրագրում կառավարական եւ նրանց
դաշնակից եթովպիական զօրքերի դէմ: