ԵՐԵՒԱՆԻ «ԲԱՆԱՆՑԸ» ՆԱԽԱՊԱՏՐԱՍՏՒՈՒՄ Է «ՀԱՄԱԳՈՐԾԱԿՑՈՒԹԵԱՆ
ԳԱՒԱԹ»-Ի 16-ՐԴ ԽԱՂԱՐԿՈՒԹԵԱՆԸ
12-12-2007 16:00:00 | Հայաստան | Սպորտ
ԵՐԵՎԱՆ, 12 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2008թ.-ի յունվարի
19-27-ին Սանկտ Պետերբուրգում կանցկացուի ԱՊՀ եւ Բալթեան երկրների
չեմպիոնների գաւաթի` «Համագործակցութեան գաւաթ»-ի, 16-րդ
խաղարկութիւնը: Այն կազմակերպում եւ անցկացնում է Ռուսաստանի
ֆուտբոլի միութիւնը: Հայաստանն այդ ստուգատեսում կներկայացնի
երկրի փոխչեմպիոն Երեւանի «Բանանցը», որն ընդգրկուել է «Դ» խմբում:
Նրա մրցակիցներն են Ուկրաինայի, Բելառուսի եւ Ուզբեկստանի
չեմպիոններ Կիեւի «Դինամոն», Բորիսովի «Բատէն» եւ Տաշքենդի
«Պախտակորը»:
«Բանանց»-ի ֆուտբոլիստները դեկտեմբերի 10-ից սկսել են
նախապատրաստութիւնը գաւաթի խաղարկութեանը: Մարզումներին առայժմ
մասնակցում են տեղի ֆուտբոլիստները: Յունվարի 6-ից թիմին կմիանան
նաեւ լեգեոներները եւ գլխաւոր մարզիչ բուլղարացի Նիկոլայ Կոստովը: