ՅՈՒՆՈՒԱՐ-ՆՈՅԵՄԲԵՐԻՆ 7,2%-ՈՎ ԱՃԵԼ Է ԵՐԵՒԱՆԻ ՊՈԼԻԿԼԻՆԻԿԱՆԵՐ
ԲՆԱԿՉՈՒԹԵԱՆ ԱՅՑԵԼՈՒԹԻՒՆՆԵՐԻ ԹԻՒԸ
10-12-2007 19:45:00 | Հայաստան | Հասարակութիւն
ԵՐԵՎԱՆ, 10 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2007թ.-ի
յունուար-նոյեմբերին Երեւանի պոլիկլինիկաներ բնակչութեան
այցելություների թիւը կազմել է 1 մլն 785 հազար, ինչը նախորդ տարուայ
նոյն ժամանակահատուածի համեմատ 7,2%-ով աւելին է: Այս մասին
դեկտեմբերի 10-ի ասուլիսում յայտնեց Երեւանի քաղաքապետարանի
Առողջապահութեան եւ սոցիալական ապահովութեան վարչութեան պետ Արմէն
Սողոյանը:
Նրա խօսքերով, այս տարուայ 11 ամիսներին 2006թ.-ի նոյն
ժամանակահատուածի համեմատ այցելութիւնների թիւը տեղամասային
թերապեւտների մօտ աճել է 10%-ով, նեղ մասնագէտների մօտ` 2,3%-ով:
Նոյն ժամանակահատուածում 11,2%-ով աճել է լաբորատոր գործիքային
հետազօտութիւնների թիւը: Ա.Սողոյանը նշեց նաեւ, որ
յունուար-նոյեմբերին 117 314 քաղաքացիների տրամադրվել է անվճար
դեղորայք:
Նշուած ամիսներին քաղաքապետարանի ենթակայության տակ գտնուող
կլինիկաներում բուժսպասարկում է ստացել 25 040 հիւանդ, որից
պետպատուէրի շրջանակում` 14 704-ը, ինչը նախորդ տարուայ նոյն
ժամանակահատուածի համեմատ 10%-ով աւելի է: Ա.Սողոյանի խօսքերով,
1,5%-ով նուազել են շտապօգնութեան ծառայութեան կանչերը. եթէ
2006թ.-ի յունուար-նոյեմբերին գրանցուել էր 141 380 կանչ, ապա այս
տարուայ նոյն ժամանակահատուածում` 139 329 կանչ:
Ա.Սողոյանը յայտնեց նաեւ, որ Երեւանի բնակչութեան 78%-ը արդէն
ընտրել է առողջութեան պահպանման առաջնային օղակի բժշկին: Իսկ
Համաշխարհային բանկի (ՀԲ) վարկային ծրագրի շրջանակում
մայրաքաղաքում արդէն վերապատրաստվել են 344 ընտանեկան բժիշկներ եւ
205 բուժքոյրեր: