«ԱՐՄԷՆՏԵԼ»-Ը ԱՒԱՐՏԵԼ Է ՖԻՔՍՈՒԱԾ ՀԵՌԱԽՕՍԱԿԱՊԻ ՆՈՐ ԲԻԼԻՆԳ
ՀԱՄԱԿԱՐԳԻ ՆԵՐԴՐՈՒՄԸ
07-12-2007 19:50:00 | Հայաստան | Հասարակութիւն
ԵՐԵՎԱՆ, 7 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: «արմէնտել»-ը աւարտել է
ֆիքսուած հեռախօսակապի նոր բիլինգ համակարգի ներդրում: Այդ
համակարգը նշուած հեռախօսակապի բաժանորդներին ընձեռում է հետեւեալ
ծառայութիւններից օգտուելու հնարաւորութիւն.
- Տարբեր եղանակներով վճարումներ կատարելու հնարաւորութիւն`
այդ թւում եւ վճարման քարտերի եւ «CASH IN» սարքերի միջոցով, որոնք
թոյլ են տալիս կատարել վճարում on-line ռեժիմում:
- Հաշիւների եւ վերծանումների տրամադրում էլեկտրոնային
փոստով:
- Ֆիքսուած հեռախոսահամարի հաշուի վերահսկման հնարաւորութիւն:
Այն թոյլ է տալիս ֆ մեծ պարտքերի կուտակումից. օրինակ երբ
հեռախոսագիծը օգտագործւում է երրորդ անձի կողմից կամ
համակարգիչներում առկայ է վիրուս: Նշուած պարագայում բաժանորդի
կողմից սահմանուած հաշուի առաւելագոյն գումարը գերազանցելու դէպքում
հեռախօսահամարը անջատւում է, եւ դա տեղի է ունենում մինչեւ տուեալ
հեռախոսահամարի ամսական հաշուի ներկայացումը:
- Բաժանորդների կատարած վճարումների եւ պարտքի մարման դէպքում
հեռախօսահամարների աւտոմատ միացում: Այսուհետ թվային կայանների
բաժանորդների հեռախօսահամարը կմիանայ վճարումը կատարելուց անմիջապէս
յետոյ:
- Կենտրոնացուած բիլինգի իրականացում ամբողջ ՀՀ տարածքում,
ինչը հնարաւորութիւն է տալիս իրականացնել հաշուարկը (կատարած
վճարումների, խօսակցութիւնների եւ այլ ծառայութիւնների)
միաժամանակ եւ Երեւան քաղաքի եւ շրջանների համար:
Նոր բիլինգային համակարգի ներդրման արդիւնքում ֆիքսուած
հեռախօսակապի անջատումները (առաջին 4-5 օրերին անջատումները լինում
են միակողմանի` միայն ելքային զանգերի համար) կկատարուեն աւտոմատ
կերպով` համակարգի կողմից: Ըստ այդմ, ֆիքսուած հեռախօսակապի
վճարումները այսուհետ անհրաժեշտ է կատարել պայմանագրով սահմանուած
ժամկէտներում` այսինքն մինչեւ հաշուետու ամսուան յաջորդող ամսուայ
վերջին օրը (օրինակ` նոյեմբեր ամսուայ վճարումը անհրաժեշտ է կատարել
մինչեւ դեկտեմբերի 31-ը ներառեալ):
Ըստ «արմէնտել» ընկերութեան Հասարակայնութեան հետ կապերի
տնօրինության հաղորդագրութեան, 2008թ. ֆիքսուած հեռախօսակապի
բաժանորդների համար կներդրուի ծառայութիւն, որը հնարաւորութիւն
կտայ ինտերնետով կառավարել ծառայութիւնները եւ տեսնել
վերծանումները: