ՓԱՐԻԶ, 7 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ֆրանսիական ոստիկանութիւնը ձերբակալել է փարիզյան փաստաբանական գրասենեակի պայթյունին մեղսակցության մէջ կասկածւողի: Խօսքը 45 տարեկան տղամարդու մասին է, ճարտարապետ, որը նախկինում ընդհարում է ունեցել այդ գրասենեակի փաստաբաններից մէկի հետ: Պայթյունը տեղի էր ունեցել հինգշաբթի յայտնի փաստաբաններ Օլիվիե Բրանի եւ Կատրին Գուզ-Ժանսելմի գրասենեակում, այն շէնքում, որի հարկերից մէկում տեղավորված է, մասնաւորապէս, իրաւաբանական այն գրասենեակը, որը եղել է պետութեան ներկայիս ղեկավար Նիկոլա Սարկոզիի նախկին աշխատավայրերից: Գրասենեակի ընդունարան էր ցրիչը բերել ծանրոց` երկու պայթուցիկ սարքերով: Այն բացելու ժամանակ զոհուել էր գրասենեակի քարտուղարը, ծանր վէրքեր են ստացել աւելի քան տասը մարդ:

---