ՄԱԶԾ-Ի ԵՎ ՆՈՐՎԵԳԻԱՅԻ ԿԱՌԱՎԱՐՈՒԹԵԱՆ ԱՋԱԿՑՈՒԹԵԱՄԲ ԱՇՈՑՔԻ
ՏԱՐԱԾԱՇՐՋԱՆԻ ՉՈՐՍ ԳԻՒՂՀԱՄԱՅՆՔՆԵՐԻ ՀԱՄԱՐ ՀԻՄՆՈՒԵԼ Է
ԳԻՒՂՏԵԽՆԻԿԱՅԻ ՀԱՒԱՔԱԿԱՅԱՆ
06-12-2007 20:00:00 | Հայաստան | Տնտեսութիւն
ԵՐԵՎԱՆ, 6 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Շիրակի մարզի Աշոցքի
տարածաշրջանի գիւղատնտեսութեան զարգացումը խթանելու նպատակով
Բաւրայում հիմնուել է գիւղատնտեսական տեխնիկայի հաւաքակայան:
Ինչպէս դեկտեմբերի 5-ին հավաքակայանի բացման ժամանակ յայտնեց
Շիրակի մարզպետ Լիդա Նանյանը, այն հիմնականում սպասարկելու է
Սարագիւղ, Սիզավետ եւ Թավշուտ գիւղական հաձմայնքներին: Մարզպետի
խօսքերով, հավաքակայանը ստեղծուել է Նորվեգիայի կառավարութեան եւ
ՄԱԿ-ի Զարգացման ծրագրի (ՄԱԶԾ) աջակցութեամբ:
Հայաստանում ՄԱԶԾ-ի մշտական ներկայացուցիչ Կոնսուելո Վիդալը
նշեց, որ Աշոցքի տարածաշրջանի չորս համայնքները ներգրաւել են
2007-2009թթ.-ի ՄԱԿ-ի համալիր զարգացման ծրագրում, ինչը, ըստ նրա,
մեծապէս կնպաստի այդ համայնքների գիւղատնտեսական աշխատանքների
արդիւնաւէտութեանն ու առաւել եկամուտների ստացմանը:
Բաւրա համայնքի ղեկավար Կորիւն Սումբուլյանի խօսքերով,
գիւղտեխնիկայի հավաքակայանի ստեղծումը տեղի
գյուղտնտեսություններին հնարաւորութիւն կտայ մշակել աւելի շատ
հողատարածքներ: Նշուեց նաեւ, որ հավաքակայանը համալրուած է ինը
միաւոր գիւղտեխնիկայով, որից չորսը բելառուսական արտադրութեան
անիվավոր տրակտորներ են: