ՀՀ ԿԲ-Ն ՎԵՐԱՖԻՆԱՆՍԱՒՈՐՄԱՆ ՏՈԿՈՍԱԴՐՈՒՅՔԸ ՍԱՀՄԱՆԵՑ 5,75%
04-12-2007 22:00:00 | Հայաստան | Տնտեսութիւն
ԵՐԵՎԱՆ, 4 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2007թ.-ի դեկտեմբերի 4-ի
նիստում ՀՀ Կենտրոնական բանկի Խորհուրդը վերաֆինանսաւորման
տոկոսադրույքը բարձրացրեց 0,5%-ով` այն սահմանելով 5,75%:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԿԲ-ի մամուլի
ծառայութիւնից, 2007թ.-ի նոյեմբերին հոկտեմբերի նկատմամբ
արձանագրուել է 2,1% գնաճ, որի պարագայում 12-ամսեայ գնաճը կազմել է
6,8%` 1,3%-ով գերազանցելով նպատակային 4+-1,5% թիրախի վերին
սահմանը:
Ըստ ԿԲ Խորհրդի, չորրորդ եռամսյակում մասնաւոր ծախսումների
աճի տեմպերի արագացումը, արտաքին շոկերի ազդեցութեամբ ձեւաւորուած
բարձր գնաճային միջավայրի պայմաններում, կշարունակի պահպանել
գնաճային ճնշումները:
ԿԲ Խորհուրդը հաստատեց, որ հետեւողական է լինելու եւ արտաքին
գնաճային շոկերի երկրորդային ազդեցութիւնները, եւ ամբողջական
պահանջարկի զարգացումներով պայմանաւորուած գնաճային ճնշումները
չէզոքացնելու ու գնաճային սպասումները մեղմելու խնդիրներում:
ԿԲ Խորհրդի դեկտեմբերի 4-ի նիստի մէկ այլ որոշմամբ գրանցուել
եւ լիցենզաւորուել է «Աւանգարդ Ինվեստ» ունիվերսալ վարկային
կազմակերպութիւն ՓԲ ընկերութիւնը: