ՀՈԿՏԵՄԲԵՐԻՆ ՀԱՅԱՍՏԱՆՈՒՄ ՓՈՂԻ ԲԱԶԱՆ ԱՃԵԼ Է 4,2%-ՈՎ, ԻՍԿ ՓՈՂԻ
ԶԱՆԳՎԱԾԸ` 3,1%-ՈՎ
04-12-2007 20:00:00 | Հայաստան | Տնտեսութիւն
ԵՐԵՎԱՆ, 4 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: 2007թ.-ի հոկտեմբերի
31-ի դրութեամբ փողի բազան Հայաստանում կազմել է 346 մլրդ 862 մլն
դրամ (մօտ 995,6 մլն ԱՄՆ դոլար) եւ նախորդ ամսուայ նկատմամբ աճել 13
մլրդ 848 մլն դրամով կամ 4,2%-ով:
Ըստ ՀՀ կենտրոնական բանկի կողմից ՀՀ Ազգային վիճակագրական
ծառայութեանը փոխանցված նախնական տուեալների, նոյն օրուայ դրութեամբ
փողի զանգվածը կազմել է 600 մլրդ 156 մլն դրամ եւ նախորդ ամսուայ
նկատմամբ աճել 18 մլրդ 265 մլն դրամով կամ 3,1%-ով:
Բանկերում բնակչութիւնից ներգրաւուած աւանդների մնացորդը
նոյն օրուայ դրութեամբ կազմել է 162 մլրդ 302 մլն դրամ եւ նախորդ
ամսուայ նկատմամբ աճել 1 մլրդ 735 մլն դրամով կամ 1,1%-ով, իսկ
նախորդ տարուայ հոկտեմբերի 31-ի ցուցանիշի համեմատ աճել է 54 մլրդ
276 մլն դրամով կամ 50,2%-ով: