ՀԱՅԱՍՏԱՆՈՒՄ ԴԵՌԵՒՍ ՉԻ ՁԵՒԱՒՈՐՈՒԵԼ ՀԱՇՄԱՆԴԱՄՈՒԹԵԱՆ
ՀԱՍԱՐԱԿԱԿԱՆ ԸՆԿԱԼՈՒՄ,- ԳՆՏՆՈՒՄ Է ՀՀ ՎԱՐՉԱՊԵՏԸ
03-12-2007 22:10:00 | Հայաստան | Հասարակութիւն
ԵՐԵՎԱՆ, 3 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Թէեւ Հայաստանում
հաշմանդամների խնդիրներին վերաբերող բազմաթիւ օրէնքներ են
ընդունուել եւ տարէցտարի աճում են դրանց լուծմանն ուղղուած
բիւջէտային յատկացումները, այդուհանդերձ երկրում չի ձեւաւորուել
հաշմանդամութեան ժամանակակից հասարակական ընկալում: Դեկտեմբերի
3-ին լսողության խանգարումներ ունեցող երեխաների թիւ 15 յատուկ
դպրոց այցելութեան ժամանակ նման կարծիք յայտնեց ՀՀ վարչապետ Սերժ
Սարգսեանը: Նա նշեց, որ այդ հարցում շատ բան կախուած է տուեալ
խնդիրներով զբաղուող շուրջ 300 հասարակական կազմակերպություններից:
Վերջիններիս ներկայացուցիչները յայտնեցին, որ կան մի շարք
ձեռնարկութիւններ, որտեղ նախկինում աշխատել են խուլերը, սակայն
բարձր հարկերի պատճառով դրանք ներկայումս չեն գործում: Նշուեց նաեւ,
որ դեռեւս օրենսդրական լուծում չի տրուած հաշմանդամների աշխատանքի
տեղավորման խնդրին: Ըստ ՀԿ-ների, Հայաստանում ներկայումս բնակւում
են 3500 խուլեր, իսկ ամբողջ աշխարհում` 70 մլն:
Դպրոցի տնօրէն Աշոտ Աւետիսեանը տեղեկացրեց, որ 1960թ.-ից
գործող դպրոցն արդէն ունի 300 շրջանաւարտ: Ըստ նրա, վերջին
տարիների շրջանաւարտներն արդէն աշխատում են դպրոցում ստացած
մասնագիտութւններով` գորգագործութիւն, կարուձեւ,
վարսահարդարություն եւ այլն: