ԵՊՀ ԱՐՏԱՍԱՀՄԱՆԵԱՆ ՔԱՂԱՔԱՑԻՆԵՐԻ ՖԱԿՈՒԼՏԵՏՈՒՄ ՍՈՎՈՐՈՒՄ Է 72
ՕՏԱՐԵՐԿՐԵԱՅ ՔԱՂԱՔԱՑԻ
26-11-2007 20:10:00 | Հայաստան | Հասարակութիւն
ԵՐԵՎԱՆ, 26 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Երեւանի պետական
համալսարանի Արտասահմանեան քաղաքացիների ֆակուլտետում ներկայումս
սովորում է 72 օտրերկրացի: Դեռեւս 1961 թուականին բացուած այս
ֆակուլտետում մինչեւ այժմ նախապատրաստական դասընթացներ են անցել 55
երկրների շուրջ 6000 քաղաքացիներ, այդ թւում` 2600 սփիւռքահայեր:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեցին ֆակուլտետի
դեկանատից, ֆակուլտետում գործում են երեք ամբիոններ` հայոց լեզուի,
օտար լեզուների եւ հանրակրթական առարկաների: Մէկ ուսումնական տարուայ
ընթացքում ուսանողները ձեռք են բերում համապատասխան գիտելիքներ`
յետագայում հայոց լեզւով մասնագիտական կրթութիւն ստանալու համար:
Ըստ հայոց լեզուից ունեցած նախնական գիտելիքների` ուսանողները
բաժանւում են 3 խմբի` հայերէնին չտիրապետողների, միջին կամ
կիրակնօրեայ հայկական դպրոց հաճախածների եւ հայերէնին
տիրապետողների: Վերջին խմբում հիմնականում ընդգրկվում են
սփիւռքահայ գաղթօջախներից ժամանած ուսանողները:
Բացի այս, ֆակուլտետում դասաւանդւում են նաեւ մաթեմատիկա,
ֆիզիկա, քիմիա, կենսաբանություն, հաշւիչ մեքենաներ եւ ինֆորմատիկա
առարկաները, ինչպէս նաեւ հասրակակագիտական առարկաներ:
Ֆակուլտետում ուսման տեւողությունը մէկ տարի է` սեպտեմբերի
1-ից յուլիսի 30-ը: