ՅԱՅՏՆԻ ԴԱՐՁԱՆ ԱՇԽԱՐՀԻ 2010Թ. ԳԱՒԱԹԻ ԽԱՂԱՐԿՈՒԹԵԱՆ ՀԱՅԱՍՏԱՆԻ
ԱԶԳԱՅԻՆ ՀԱՒԱՔԱԿԱՆԻ ՄՐՑԱԿԻՑՆԵՐԸ
26-11-2007 17:00:00 | Հայաստան | Սպորտ
ԵՐԵՎԱՆ, 26 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հարավաֆրիկեան Դուրբան
քաղաքում նոյեմբերի 25-ին տեղի ունեցաւ ֆուտբոլի աշխարհի 2010թ.
գաւաթի խաղարկութեան որակաւորման փուլի խմբային մրցաշարի
վիճակահանութիւնը: Զամբյուղները կազմելու համար ՖԻՖԱ-ն
առաջնորդուել էր ազգային հաւաքականների դասակարգման նոր ցուցակով:
5-րդ խմբում ընդգրկվեց Հայաստանի ազգային հաւաքականը: Նրա
մրցակիցներն են Էստոնիայի, Բոսնիա Հեցեգովինայի, Բելգիայի,
Թուրքիայի եւ Իսպանիայի թիմերը: ուեֆա-ի անդամ 53 երկրները
բաժանուեցին 9 խմբի: Խմբային մրցաշարի յաղթողները կը նուաճեն աշխարհի
գաւաթի խաղարկութեան եզրափակիչի ուղեգիր: Իսկ 2-րդ տեղ գրաւած 9
թիմերից 8-ը կբաժանուեն 4 զույգի եւ օլիմպիական մրցակարգով
կխաղարկեն մնացած 4 ուղեգրերը: Հայաստանի հաւաքականը առաջին անգամ
է մրցելու Թուքիայի եւ Բոսնիա Հեցեգովինայի ֆուտբոլիստների հետ:
Նոյեմբերի 23-ին հրապարակուած ՖԻՖԱ-ի նոր դասակարգման ցուցակում
Հայաստանի հաւաքականը 82-րդ տեղից իջել է եւ հանգրվանել է 90-րդ
տեղում: Առաջատար եռյակը կազմում են Արգենտինայի, Իտալիայի եւ
Բրազիլիայի ընտրանիները: