2007Թ. 10 ԱՄԻՍՆԵՐԻՆ ՀԱՅԱՍՏԱՆՈՒՄ ՄԻԳՐԱՑԻԱՅԻ ԲԱՑԱՍԱԿԱՆ
ՍԱԼԴՈՆ ՆԱԽՈՐԴ ՏԱՐՈՒԱՅ ՆՈՅՆ ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ԱՃԵԼ Է
63,4%-ՈՎ
22-11-2007 14:30:00 | Հայաստան | Հասարակութիւն
ԵՐԵՎԱՆ, 22 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանում 2007թ.
յունուար-հոկտեմբեր ամիսներին միգրացիայի բացասական սալդոն կազմել է
42,3 հազար մարդ, ինչը նախորդ տարուայ նոյն ժամանակահատուածի
ցուցանիշից 16,4 հազարով կամ 63,4%-ով աւելի է: Ընթացիկ տարում
միգրացիայի դրական սալդո է գրանցուել յունիս, յուլիս, հոտեմբերին
ամիսներին` կազմելով, համապատասխանաբար, 9600, 4900, 8000 մարդ:
Այս մասին «ՆՈՅԵԱՆ ՏԱՊԱՆ»-ի թղթակցին յայտնեց ՀՀ Տարածքային
կառավարման նախարարութեան Միգրացիոն գործակալութեան Միգրացիոն
ծրագրերի բաժնի գլխաւոր մասնագէտ Վիկտոր Սոլախյանը: Նա յայտնեց
նաեւ, որ տարէցտարի աճում են ուղեւորահոսքերի ծաւալները: Ընթացիկ
տարուայ յունուար-հոկտեմբերին ուղեւորահոսքերի ընդհանուր ծաւալը
կազմել է 2 մլն 137 հազար մարդ, ինչը նախորդ տարուայ նոյն
ժամանակահատուածի համեմատ աւելի է 549 հազարով կամ 34,5%-ով: