ՀՀ նախագահ Սերժ Սարգսեանը սեպտեմբերի 15-ին ընդունել է Գերմանիայի Դաշնային Հանրապետութեան Բունդեսթագի «գերմանիա-հարաւային Կ'ովկասէ խորհրդարանական խմբի պատուիրակութեանը: Ս.Սարգսեանը նշել է, որ մեծապէս կարեւորում է խմբի այսպիսի ներկայացուցչական պատուիրակութեան այցը Հայաստան` որպէս երկու երկրների միջեւ փոխճանաչողութեան բարձրացմանն ու փոխվստահութեան խորացմանն ուղղուած քայլ: Նա ընդգծել է, որ Հայաստանի համար կարեւոր է Գերմանիայի Դաշնային Հանրապետութեան հետ յարաբերութիւնների ամրապնդումն ու խորացումը, եւ բարձր է գնահատել տարբեր մակարդակի փոխայցելութիւնները, Հայաստանի եւ Գերմանիայի միջեւ յարաբերութիւնների ամրապնդմանն ուղղուած երկկողմ ջանքերը: Ս.Սարգսեանը շնորհակալութիւն է յայտնել Գերմանիայի կառավարութեանը` համագործակցութեան եւ տարբեր ոլորտներում Հայաստանին ցուցաբերուող օժանդակութեան համար: Զրուցակիցները կարեւորել են նաեւ միջխորհրդարանական համագործակցութեան դերը երկու երկրների միջեւ յարաբերութիւնների սերտացման գործում:

---