Համագործակցութեան հիմքեր դրուեց Մայր Աթոռ Ս.Էջմիածնի Գեւորգեան հոգեւոր ճեմարանի եւ Սանկտ-պետերբուրգի Ս.Ալեքսանդր Նեւսկու անուան Ուղղափառ հոգեւոր ակադեմիայի միջեւ
28-09-2011 14:40:50 | Հայաստան | Մամլո հաղորդագրություն
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի բարձր տնօրինութեամբ եւ Նոր Նախիջեւանի եւ Ռուսաստանի Հայոց Թեմի Առաջնորդ Տ.Եզրաս Եպիսկոպոս Ներսիսեանի աջակցութեամբ համագործակցութեան հիմքեր դրուեց Մայր Աթոռ Ս. Էջմիածնի Գեւորգեան հոգեւոր ճեմարանի եւ Սանկտ-պետերբուրգի Ս.Ալեքսանդր Նեւսկու անուան Ուղղափառ հոգեւոր ակադեմիայի միջեւ:
սեպտեմբերի 25-ին Գեւորգեան հոգեւոր ճեմարանի տեսուչ Տ.Գեւորգ վարդապետ Սարոյեանի եւ Ռուս Ուղղափառ հոգեւոր ակադեմիայի ռեկտոր Ամվրոսիյ եպիսկոպոս Գատչինսկու կողմից երկու հաստատութիւնների միջեւ միջբուհական համագործակցութեան մասին փաստաթուղթ ստորագրուեց: Սանկտ-պետերբուրգ կատարած այցի ընթացքում Տ.Գեւորգ վարդապետ Սարոյեանը մասնակցեց նաեւ Ռուս Ուղղափառ եկեղեցու հոգեւոր ակադեմիայի նորոգուած գրադարանի բացման արարողութեանը, որը նուիրուած էր երկու կրթական հաստատութիւնների բարեկամութեանը:Գրադարանի նորոգութիւնը կատարուել էր Սանկտ-պետերբուրգի հայ համայնքի ներկայացուցիչ Հրաչեայ Պօղոսեանի օգնութեամբ: Մէկ տարի առաջ Սեւանի Վազգէնեան հոգեւոր դպրանոցում Հրաչեայ Պօղոսեանի բարերարութեամբ սկսեց գործել ռուսերէն լեզուի կատարելագործման լսարանը:
Ըստ Նոր Նախիջեւանի եւ Ռուսաստանի Հայոց Թեմի մամլոյ դիւանի մամլոյ հաղորդագրութեան, Գեւորգեան հոգեւոր ճեմարանի պատմութեան մէջ սա առաջին դէպքն է, երբ կնքւում է համաձայնագիր երկու կրթօջախների միջեւ համագործակցութեան լայն շրջանականերով:Համաձայանգիրը վերաբերում է կրթական, գիտական, հրատարակչական, մեթոդական ծրագրերի զարգացմանը: Տեղի կ'ունենան նաեւ ուսանողների եւ դասախօսների փոխանակումներ, գիտատեխնիկական նոր ուսումնական մեթոդների ներդրումներ:
«այս համագործակցութիւնը խօսում է մեր երկու Եկեղեցիների միջեւ բարեկամական կապի մասին, որն առաւել սերտ ու ջերմ յարաբերութիւնների առիթ կը տայ: Պետերբուրգի համայնքը դեռեւս Տ.Եզրաս աբեղայ Ներսիսեանի հովուութեան տարիներից սկսած հոգածու ուշադրութեամբ է վերաբերուել Հայ Եկեղեցու հոգեւոր կրթօջախների գործունէութեանը եւ մշտապէս աջակցութիւն ցուցաբերել հոգեւորականների պատրաստման գործընթացին: Այս գեղեցիկ աւանդութեան շարունակութիւնը դարձաւ համաձայնագրի ստորագումը:
համագործակցութիւնը նաեւ միմեանց խորապէս ճանաչելու հնարաւորութիւն է տալիս: Ոչ միայն մեր սաները կուսանեն Ռուս Ուղղափառ եկեղեցու հոգեւոր կրթարաններում, այլ նաեւ նրանք կը գան մեզ մօտ ուսանելուէ, - բարձր գնահատելով համաձայնութեան ձեռքբերումը` ասաց Տ.Գեւորգ վարդապետ Սարոյեանը: