ՀՀ ՊՆ մամուլի քարտուղար. Ադրբեջանը ամենօրեայ նման ապատեղեկատուութեամբ փորձում է հող նախապատրաստել ապագայ սադրանքների համար
04-06-2011 12:18:14 | Հայաստան | Քաղաքական
ՀՀ պաշտպանութեան նախարարի մամուլի քարտուղար Դաւիթ Կարապետեանի մեկնաբանութիւնը հրադադարի ռեժիմի խախտումների վերաբերեալ ադրբեջանական լրատուամիջոցների տարածած տեղեկատուութեան կապակցութեամբ.
«Հայկական զինուած ուժերը խստօրէն պահպանում էն հրադադարի ռեժիմը: Իրականում ադրբեջանական կողմը ամէն օր աւելացնում է հրադադարի ռեժիմի խախտումները եւ փորձում դրանք վերագրել հայկական կողմին: Ադրբեջանի նման քաղաքականութիւնը դատարապարտուած է, քանի որ միջազգային հանրութեանը դժուար է բացատրել, թէ որն է հայկական կողմի շահը` հակամարտութեան գօտում իրավիճակը սրելու եւ հրադադարը խախտելու համար:
Կարծում եմ` Ադրբեջանը ամենօրեայ նման ապատեղեկատուութեամբ փորձում է հող նախապատրաստել ապագայ սադրանքների համար: Հայկական զինուած ուժերը ի զօրու էն համարժէքօրէն պատասխանել Ադրբեջանի բոլոր սադրանքներին»: