ՀՀ նախագահ Սերժ Սարգսյանը հոկտեմբերի 20-ին ընդունել է Միջազգային եվրոպական շարժման նախագահ Փեթ Քոքսին եւ փոխնախագահ Չարլզ-Ֆերդինանդ Նոթոմբին, ովքեր Հայաստան են ժամանել մասնակցելու Միջազգային եվրոպական շարժման՝ հոկտեմբերի 20-21-ը Երեւանում անցկացվող համաժողովին: Հանդիպմանն անդրադարձ է եղել Հայաստանում ընթացող բարեփոխումներին, Արեւելյան գործընկերության շրջանակներում Հայաստանի եվրամերձեցման քայլերին, ինչպես նաեւ տարածաշրջանային խնդիրներին:Այս մասին «ՆՏ»-ին հայտնեցին ՀՀ նախագահի մամլո գրասենյակից:

---