Էդվարդ Նալբանդյանը եւ Ֆիլիպ Լեֆորը քննարկեցին Հայաստան-ԵՄ համագործակցությանն առնչվող հարցեր
30-01-2012 20:03:09 | Հայաստան | Քաղաքական
Հունվարի 30-ին ԱԳ նախարար Էդվարդ Նալբանդյանն ընդունեց Հարավային Կովկասի եւ Վրաստանի ճգնաժամի հարցերով Եվրամիության հատուկ ներկայացուցիչ Ֆիլիպ Լեֆորին:
Ինչպես «ՆՏ»-ին հայտնեցին ՀՀ ԱԳՆ մամուլի, տեղեկատվության եւ հասարակայնության հետ կապի վարչությունից, հանդիպմանը քննարկվեց Հայաստան-ԵՄ համագործակցությանն առնչվող հարցերի լայն շրջանակ:
Կողմերը մտքեր փոխանակեցին Արեւելյան գործընկերության ծրագրի համատեքստում Ասոցացման համաձայնագրի շուրջ բանակցային գործընթացի, մուտքի արտոնագրային ռեժիմի դյուրացման, խորը եւ համապարփակ ազատ առեւտրի գոտու ստեղծման բանակցությունների մեկնարկի վերաբերյալ:
Էդվարդ Նալբանդյանն ու Ֆիլիպ Լեֆորը անդրադարձան Լեռնային Ղարաբաղի հիմնախնդրի կարգավորման գործընթացի վերջին զարգացումներին, Սոչիում անցյալ շաբաթ կայացած եռակողմ գագաթաժողովի արդյունքներին:
ՀԱՅԵՐԵՆ
Русский
English
Դաս. հայերեն
French
