LOGOS EXPO Center ցուցահանդեսային ընկերությունը կանցկացնի "EXPO BEAUTY 2012"-ցուցահանդեսը
29-02-2012 14:53:05 | Հայաստան | Մամլո հաղորդագրություն
LOGOS EXPO Center ցուցահանդեսային ընկերությունը մարտի 2-4-ը Երեւանում «Մոսկվայի Տուն» մշակութագործարարական կենտրոնում կանցկացնի տարվա ամենագեղեցիկ ցուցահանդեսը`"EXPO BEAUTY 2012"-ը:
Բոլոր ժամանակներում գեղեցկությունը գնահատվել է տարբեր չափանիշներով: Յուրաքանչյուր մարդ յուրովի է ընկալում իրեն շրջապատող աշխարհը: Սակայն մի բան մնում է անփոփոխ, այն է`գեղեցկությունը իր շուրջը ստեղծում է այնպիսի մի պայծառ եւ լուսավոր մթնոլորտ, որին ձգտում են բոլորն առանց բացառության: Ոչ գեղեցիկ կին չի լինում եւ գիտեք ինչու՞, որովհետեւ այսօր գոյություն ունեն հազարավոր միջոցներ`արտահայտելու այն ներքին գեղեցկությունը, որը թաքնված է յուրաքանչյուր կնոջ մեջ:
Գեղեցկության եւ առողջության շուկան չի դադարում զարգանալ: Տվյալ ինդուստրիայի ներկայացուցիչները մշտապես պետք է տեղեկացված լինեն վերջին իրողությունների մասին եւ դրանով իսկ ետ չմնան համաշխարհային միտումներից: Լինի այն կոսմետոլոգիայի ինստիտուտ, կամ օրթոպեդիայի կենտրոն, թե սպա-կենտրոն, ժամանակակից տեխնոլոգիաներն ու սարքավորումները ամենուրեք`գործի հաջողության գրավականն են: Այդ իսկ պատճառով EXPO BEAUTY 2012-ը իրողություն է, որը ուղղակի չի կարելի բաց թողնել:
EXPO BEAUTY 2012 միջազգային ցուցահանդեսը նվիրված է գեղեցկության ինդուստրիային: Վերջինս, ի տարբերություն այլ համանման միջոցառումների, ընդգրկում է անհամեմատելի մեծ նպատակային լսարան: Մարտի 8-ի նախաշեմին EXPO BEAUTY 2012 միջազգային ցուցահանդեսը հիրավի մեծ իրողություն է, որը լայն հնարավորություն է ընձեռում առողջության եւ գեղեցկության ոլորտում տեղական արտադրողներին եւ մատակարարներին ներկայացնելու իրենց ապրանքատեսականին եւ ծառայությունները, վերլուծել իրենց հնարավորությունները, ծանոթանալ հաճախորդների ցանկություններին եւ նախասիրություններին, ինչպես նաեւ որոնել նոր շուկաներ եւ գործընկերներ: Ավանդապես EXPO BEAUTY 2012 ցուցահանդեսը հագեցած կլինի գործնական եւ մրցույթային միջոցառումներով`
- "Miss EXPO Beauty 2012"
- "Ցուցադրումներ"
- "Մասթեր Կլասեր"
-"Լուսանկարահանումներ"
-“Ծաղկային կոմպոզիցիաների մրցույթ”
Ցուցահանդեսի նպատակները.
- Ապրանքների եւ ծառայությունների ներկայացում
- Ֆիրմայի գովազդ եւ իմիջի ձեւավորում
- Նոր գործնական հարաբերությունների հաստատում
Հիմնական թեմատիկ բաժիններն են.
- Բուժական եւ դեկորատիվ կոսմետիկա, պարֆյումերիա
- Մարմնի եւ մազերի խնամքի ապրանքատեսակներ
- Հիգիենիկ պարագաններ
- Գեղեցկության սրահներ, ֆիտնես-ակումբներ
- ՍՊԱ կենտրոններ
- Ոսկերչական զարդեր
- Հարսանեկան զգեստեր եւ պարագաներ
- Բիժուտերիա
- Դեկորատիվ կիրառական արվեստի նմուշներ
- Հագուստ եւ կոշիկ
- Թեմատիկ տպագրություններ, ամսագրեր եւ այլն:
Ցուցահանդեսի անցկացման վայրը՝ ք. Երեւան, Երեւանում «Մոսկվայի Տուն» մշակութագործարարական կենտրոն:
Ցուցահանդեսի բացման պաշտոնական արարողությունը կկայանա Մարտի 2-ին, ժ.12:00:
Ցուցահանդեսի փակման պաշտոնական արարողությունը կկայանա Մարտի 4-ին,
ժ.17:00:
Ցուցահանդեսի մասնակիցներն են՝ արտադրողներ, կոսմետոլոգիական կլինիկաներ, սրահներ, էլիտար խանութներ, տեղական եւ արտասահմանյան ընկերություններ, տպագրություններ եւ այլն։
Ցուցահանդեսի գլխավոր ինֆորմացիոն հովանավոր` ՎիվաՍել-ՄՏՍ:
Տեղեկությունների համար դիմել՝ 23 5775, 22 9813, 22 9814, 22 9815, բջջ. 077- 05 0805, հեռախոսահամարներով: