Մարտի 2-ին դադարեցվել էր Նորագյուղ եւ Կիլիկիա թաղամասերի ջրամատակարարումը: Ինչպես հաղորդեց «Երեւան Ջուր» ՓԲԸ «Արեւելք» շահագործման տնօրինության «Կենտրոն» տեղամասի գլխավոր ճարտարագետ Արթուր Զակեոսյանը, «Ծիծեռնակաբերդ» օրվա կարգավորիչ ջրամբարում /ՕԿՋ/, որտեղից ջուր է մատակարարվում նշված թաղամասերին, վթարվել էր ելքի խոշոր տրամագծով խողովակի փականը:
Տեղամասի մասնագետների ուժերով արագորեն իրականացվել է փականի վերանորոգումը եւ նույն օրը երեկոյան վերականգնվել ջրամբարի գործունեությունը: Ըստ Արթուր Զակեոսյանի` աշխատանքների ճիշտ կազմակերպման շնորհիվ, Նորագյուղ եւ Կիլիկիա թաղամասերի բնակիչների ջրամատակարարումն ընդհատվել է ոչ ավելի, քան 6 ժամով:
'Երեւան Ջուր' Հաղորդակցության բաժին