«ՀԿԵ» ՓԲԸ գնացքները աշխատում են համաձայն չվացուցակի
04-04-2012 15:54:42 | Հայաստան | Տնտեսություն
Ջաջուռ-Մայիսյան հատվածում ընթացող ձնահյուսի սպառնալիքի վերացման աշխատանքները չեն ազդել «Հարավկովկասյան երկաթուղի» ընկերության գնացքների չվացուցակին: Ներկա պահին Ընկերության բոլոր ներհանրապետական էլեկտրագնացքները եւ Երեւան-Թբիլիսի-Երեւան գնացքը շարժվում են համաձայն չվացուցակի՝ առանց որեւէ ուշացմանը:
Նշենք, որ Հայատանի Արտակարգ իրավիճակների նախարարությունը արդեն մի քանի օր Ջաջուռ–Մայիսյան երկաթգծի 7-րդ կիլոմետրի հատվածում իրականացնում է ձնահյուսի սպառնալիքի վերացման աշխատանքները: Պայթեցման եղանակով չեզոքացվեց նոր ձնահյուսի (ձյան շերտի հաստությունը կազմում էր մոտ 1 մ, իսկ վտանգավոր հատվածի երկարությունը` 35-40 մ) առաջացման վտանգը: