ՎիվաՍել-ՄՏՍ-ը եւ »Samsung« ընկերությունը հայտարարում են առաջին անգամ Հայաստանում Samsung Galaxy S սմարթֆոնների բացառիկ եւ պաշտոնական վաճառքի մեկնարկի մասին
ՎիվաՍել-ՄՏՍ-ը եւ »Samsung« ընկերությունը հայտարարում են առաջին անգամ Հայաստանում Samsung Galaxy S սմարթֆոնների բացառիկ եւ պաշտոնական վաճառքի մեկնարկի մասին
29-09-2010 16:57:18 | Հայաստան | Մամլո հաղորդագրություն
»ՄՏՍ« ԲԲԸ դուստր ընկերությունը տեղեկացնում է, որ »Samsung« ընկերության հետ բացառիկ եւ պաշտոնական համագործակցության շրջանակներում Հայաստանում առաջին անգամ սկսում է Samsung Galaxy S սմարթֆոնի վաճառքը:
4 դյույմ չափի Super AMOLED էկրանով եւ Android օպերացիոն համակարգի վերջին տարբերակով գործող Samsung Galaxy S սմարթֆոնը հայաստանյան սպառողին առաջարկում է տեխնոլոգիական վերջին նվաճումները եւ բջջային հաղորդակցության ընդլայնված հնարավորությունները։
Samsung Galaxy S (Model: GT-I9000) սմարթֆոնն օգտագործողի առօրյան դարձնում է առավել հարմարավետ, հետաքրքիր եւ լիարժեք: Android համակարգով գործող Galaxy S-ը` 4 դյույմ չափի Super AMOLED էկրանի եւ 1 ԳՀց հաճախականությամբ պրոցեսորի համադրությամբ, թույլ է տալիս վայելել HD ֆորմատի տեսանյութեր, իսկ Layar Reality Browser-ի շնորհիվ` հեշտությամբ տեղեկանալ շրջակայքում առկա սրճարանների, խանութների, պատկերասրահների եւ հետաքրքրություն ներկայացնող այլ վայրերի մասին եւ օգտվել LBS (Location Based Services) ծառայություններից: »Social Hub«-ի շնորհիվ օգտագործողը հնարավորություն ունի մշտապես կապի մեջ լինելու ընկերների, գործընկերների եւ ընտանիքի անդամների հետ` անկախ գտնվելու վայրից:
»ՎիվաՍել-ՄՏՍ-ը նպատակ ունի հայաստանյան շուկայում ներկայացնել օգտագործողի կարիքներին համապատասխան, հարմարավետ սարք, որը թույլ կտա վայելել ձայնային եւ բարձր արագության տվյալների փոխանակման ծառայությունները` անկախ գտնվելու վայրից«,-սմարթֆոնների վաճառքի մեկնարկը մեկնաբանելով` ասաց ՎիվաՍել-ՄՏՍ ընկերության գլխավոր տնօրեն Ռալֆ Յիրիկյանը: »»Samsung« ընկերության հետ համագործակցության արդյունքում կոմպակտ տեսքով նորարարական Samsung Galaxy S սմարթֆոնի ներմուծումը հայաստանյան շուկա հերթական քայլն է, որով մենք հնարավորություն ենք ընձեռում մեր բաժանորդներին զգալու տարաբնույթ կոնտենտի եւ ինտերնետի արագ հասանելիությունը` օգտվելով ՎիվաՍել-ՄՏՍ-ի 3.5G ցանցի առավելություններից: Սպասեք ավելին. ՎիվաՍել-ՄՏՍ-ը շարունակելու է մնալ Հայաստանի առաջատար բջջային օպերատորը` հայաստանյան բաժանորդներին առաջարկելով գործնական եւ անձնական նպատակներին ծառայող բարձրակարգ բջջային սարքեր«,-ավելացրեց Յիրիկյանը:
Galaxy S սմարթֆոնը հնարավորություն է ընձեռում բացահայտելու մուլտիմեդիայի անծայրածիր աշխարհը: 4 դյույմ չափի Super AMOLED էկրանն ապահովում է անգերազանցելի որակ` նվազեցված արտացոլմամբ, դիտման անկյունների ազատ ընտրությամբ եւ հպմանը գերարագ արձագանքմամբ: Իսկ mDNIe (mobile Digital Natural Image engine)` »Samsung«-ի հեղուկ բյուրեղային (LCD) եւ լուսադիոդային (LED) էկրաններով մեծ ժողովրդականություն վայելող հեռուստացույցներում կիրառվող տեխնոլոգիայի շնորհիվ, լուսանկարների եւ տեսանյութերի դիտումն ու էլեկտրոնային գրքերի ընթերցումը դառնում են առավել վառ եւ հաճելի: Այս սմարթֆոնն օգտագործողը հնարավորություն է ստանում ձայնագրելու, մոնտաժելու եւ դիտելու HD ֆորմատի տեսանյութեր, շրջելու ինտերնետում եւ ընթերցելու նախընտրած գրականությունը:
Իսկ Android Market-ի բազմապիսի ծրագրերն օգտագործողին տալիս են այս սմարթֆոնից օգտվելու է'լ ավելի մեծ հնարավորություններ: Ավելին, օգտագործողները նաեւ ունեն Google-ի Google Search, Gmail եւ Google Maps բջջային ծառայություններից օգտվելու հնարավորություն:
Samsung Galaxy S սմարթֆոնն օգնում է կյանքը դարձնել առավել հարմարավետ: Այլ սարքերի, այդ թվում` նոութբուքերի, հեռուստացույցների եւ լուսանկարչական եւ տեսախցիկների հետ անլար եղանակով ինտեգրման հնարավորությունից զատ, սոցիալական շփման` »Social Hub« համակարգը թույլ է տալիս կապ պահպանել սոցիալական կայքերի եւ էլեկտրոնային նամակագրության միջոցով:
Samsung Galaxy S սմարթֆոնը ներկայացված է երկու տարբերակով` 16 ԳԲ եւ 8 ԳԲ ներքին հիշողությամբ` համապատասխանաբար 315000 դրամ եւ 295000 դրամ արժողությամբ:
ՎիվաՍել-ՄՏՍ-ի սպասարկման կենտրոններում ձեռք բերված Samsung Galaxy S սմարթֆոնների համար տրամադրվում է արտադրողի 12-ամսյա պաշտոնական երաշխիք:
Ցանկության դեպքում հեռախոսը կարելի է ձեռք բերել նաեւ ապառիկ` հետեւյալ պայմաններով.
Կանխավճար (դրամ) Ամսական վճար (դրամ)
12 ամիս 18 ամիս 24 ամիս
16 ԳԲ ներքին հիշողություն
31 500 25 991 18 088 14 153
8 ԳԲ ներքին հիշողություն 29 500 24 341 16 940 13 254
Գները ներառում են ԱԱՀ: