ԱԱԽ քարտուղար Արթուր Բաղդասարյանն այսօր ընդունել է Ղազախստանի Հանրապետության պաշտպանության նախարար Ադիլբեկ Ջակսիբեկովի գլխավորած պատվիրակությանը: Ադիլբեկ Ջակսիբեկովը կարեւորել է պատվիրակության` Հայաստան կատարած պաշտոնական այցի ընթացքում պաշտպանության ոլորտում համագործակցության համաձայնագրի ստորագրումը` ընդգծելով, որ այն նոր խթան կհաղորդի այս ոլորտում երկկողմ համագործակցության խորացմանը: Կողմերը քննարկել են ռազմատեխնիկական համագործակցության, ռազմական կրթության, պաշտպանության, անվտանգության բնագավառներում փորձի եւ տեղեկատվության փոխանակմանն առնչվող հարցերի շրջանակ: ԱԱԽ քարտուղար Արթուր Բաղդասարյանն ընդգծել է Ղազախստանի եւ Հայաստանի միջեւ ռազմատեխնիկական փոխգործակցության խթանման, այս ոլորտում նորմատիվային բազայի հստակեցման ուղղությամբ ձեռնարկված եւ պլանավորվելիք քայլերի կարեւորությունը: Երկուստեք ընդգծվել է, որ երկու երկրների միջեւ, ի լրումն պաշտպանության ոլորտի, առկա է համագործակցության մեծ ներուժ նաեւ այլ ոլորտներում, եւ երկու երկրների նախագահների կառուցողական եւ ակտիվ երկխոսությունը հիմք կհանդիսանա երկկողմ հարաբերությունների շարունակական խորացման համար: Կողմերը քննարկել են նաեւ տարածաշրջանային զարգացումներին եւ միջազգային իրադրությանն առնչվող հարցերի լայն շրջանակ:

---