Ադրբեջանական լրատվամիջոցները հերթական ապատեղեկատվությունն են տարածել՝ հայտնելով, թե իբր հայկական բանակը Ֆիզուլիի շրջանում լայնամասշտաբ հարձակման է անցել եւ մարտեր են ընթանում ուղղաթիռների կիրառմամբ։Հաղորդվում է նաեւ, թե իբր երկու կողմերից էլ կան բազմաթիվ զոհեր եւ վիրավորներ, բայց ադրբեջանցիներին հաջողվել է կասեցնել մեր ստորաբաժանումների ճեղքումը։ Սակայն ԼՂՀ Պաշտպանության Բանակի աղբյուրները հերքել են այդ տեղեկությունները։ Ինչպես տեղեկացնում է asekose.am-ը, կարծիք կա, որ այս կերպ հակառակորդը փորձում է արդարացնել վերջին օրերին իր կրած խոշոր կորուստները, եւ ավելի խելամիտ բան հորինել չի կարողացել, քան այս պատմությունը լայնամասշտաբ մարտական գործողությունների մասին:

---