Եգիպտոսի Սահմանադրական դատարանը որոշում է կայացրել լուծարել անցած տարի կազմավորված խորհրդարանը` նշելով, որ ընտրված աթոռների մեկ երրորդն ապօրինի է: Ինչպես հաղորդում է «Արմենպրես»-ը` վկայակոչելով եգիպտական լրատվամիջոցները, Սահմանադրական դատարանի նախագահ Ֆարուկ Սուլթանը հայտնել է, որ խորհրդարանական ընտրությունները հակասահմանադրական են եղել: Դատարանի որոշումը, սակայն, բողոքի ալիք է բարձրացրել Եգիպտոսում: «Ապրիլի 6» շարժումը հայտարարել է, որ Սահմանադրական դատարանի այդ որոշումը հեղափոխական ուժերին դրդում է նոր քայլերի: Եգիպտոսում խորհրդարանական ընտություններն կայացել են 2011թ.-ի վերջին եւ 2012թ.-ի սկզբին: Վերջնական արդյունքների համաձայն` հաղթել են իսլամիստները: «Արմենպրես»

---