Հայաստանի ԱԺ իններորդ նստաշրջանի օրակարգի նախագծում
ընդգրկվել է 132 հարց
04-02-2011 19:06:00 | Հայաստան | Քաղաքական
ԵՐԵՎԱՆ, 4 ՓԵՏՐՎԱՐԻ, ՆՈՅՅԱՆ ՏԱՊԱՆ: Հայաստանի Ազգային Ժողովի
փետրվարի 4-ի աշխատանքային խորհրդակցությունում, որը նախագահել է
խորհրդարանի նախագահ Հովիկ Աբրահամյանը, քննարկվել են չորրորդ
գումարման ԱԺ իններորդ նստաշրջանի օրակարգի որոշման նախագիծը եւ եւ
փետրվարի 7-10-ի ԱԺ քառօրյա նիստերի օրակարգի որոշման նախագիծը: ԱԺ
իններորդ նստաշրջանի օրակարգի նախագծում ընդգրկվել է 132 հարց: ԱԺ
առաջիկա նիստերի օրակարգի նախագծում ընդգրկվել են 107 հարց,
միջազգային 10 պայմանագիր:
Ըստ ՀՀ ԱԺ Հասարակայնության եւ տեղեկատվության միջոցների հետ
կապերի վարչության հաղորդագրության, չորրորդ գումարման ԱԺ իններորդ
նստաշրջանի եւ փետրվարի 7-10-ի ԱԺ նիստերի օրակարգերի նախագծերը
կհաստատվեն փետրվարի 7-ի ԱԺ նիստում: