«Ամբողջ պատերազմն անցել է իմ աչքի առջեւով, ես դատապարտում եմ պատերազմը» Ջիվան Ավետիսյան
07-07-2013 15:32:45 | Հայաստան | Մշակույթ
«Ընդհատված մանկություն» ֆիլմի ռեժիսոր Ջիվան Ավետիսյանը հուլիսի 7-ին լրագրողների հետ հանդիպման ժամանակ պատմեց, որ ֆիլմը ղարաբաղյան պատերազմի ընթացքում՝ 1992-ին ադրբեջանցիների կողմից գերեվարված 6-ամյա Լենայի մասին է: Աղջկան բանտից տանում են Ֆաթիմա Խալայի տուն, որպեսզի վերջինս Լենային փոխանակի ռազմաճակատում կորած իր որդու հետ: Ժամանակի ընթացքում վախն ու թշնամանքը վերածվում են փոխադարձ կարեկցանքի. 4 ամիս անց Ֆաթիման աղջկան վերադարձնում է ընտանիքին՝ փոխանակելով իրեն անծանոթ ադրբեջանցի զինվորի դիակի հետ: Աղջկա հուշերում Ֆաթիման մինչ օրս սպասում է իր որդուն. «Ամբողջ պատերազմն անցել է իմ աչքի առջեւով, ես դատապարտում եմ պատերազմը: Ֆիլմը իրական պատմություն է, իսկ գլխավոր հերոսների ընտրությունը կատարվել է շատ բծախնդրորեն»,- խոստովանում է ռեժիսորը: