Լեռնադահուկորդ Իվա Ցիկլաուրին նվաճել է կովկասյան երեք երկրների երեք ամենաբարձր գագաթները
14-04-2014 17:43:18 | Վրաստան | Սպորտ
Թբիլիսի (Վրաստան) – 2014 թ-ի մարտին 22-ամյա վրացի լեռնադահուկորդ Իվա Ցիկլաուրին ավարտեց իր ազատ ոճի լեռնադահուկային արշավը և նվաճեց Կովկասի երեք ամենաբարձր գագաթները. Հայաստանում` Արագածը (4091մ.), Ադրբեջանում` Բազարդուզին (4466 մ.), և Վրաստանում՝ Շխարան (5200 մ.): Իվա Ցիկլաուրին իր կարգի մեջ առաջին մարզիկն է, որ նվաճեց Կովկասի այս բարձունքները:
25-օրյա արշավի ընթացքում Իվա Ցիկլաուրին իր գործընկերների և նկարահանման խմբի հետ միասին ճամփորդեցին երեք երկրով, որպեսզի բարձրանան Կովկասի գեղեցիկ, սակայն դժվար և վտանգավոր լեռները՝ հետևելու Իվայի տպավորիչ վայրէջքներին:
Երիտասարդ լեռնադահուկորդի համար դա իսկական փորձություն էր՝ գերազանցելու իր հնարավորությունները և անելու այն, ինչ մինչև նա ոչ ոք դեռ չէր արել: Նա ընտրեց դժվարին ճանապարհը՝ օրերով քայլել, բարձրանալ, սպասել, նորից բարձրանալ և վերջապես սահել:
Ճանապարհին կային բազմաթիվ դժվարություններ, հիմնականում եղանակային անհավատալի վատ պայմաններ: Նա և նրա թիմը արշավը հաջողությամբ ավարտվեցին:
«Իսկապես մեծ փորձություն էր բացահայտել Կովկասի առեղծվածային գագաթները: Այս անմոռանալի արկածը նոր էջ բացեց իմ լեռնադահուկորդային կարիերայում և տվեց ինձ լավագույն զգացումը, որը ցանկացած դահուկորդ կարող է ունենալ: Լեռները ողջ են, և սա այն տեղն է, որին ես պատկանում եմ», - ասաց Իվան:
ՀԱՅԵՐԵՆ
Русский
English
Դաս. հայերեն
French
