Աֆղանստանի Կանդագար քաղաքում տալիբները հարձակվել են կառավարական շենքերի վրա: Սկսվել են ռազմական գործողություններ: Քաղաքի տարբեր մասերում լսվում են պայթյուններ եւ կրակոցներ: Ինչպես հայտնում է BBC-ն, վկայակոչելով տեղի ոստիկանությանը, տալիբները դեռ չեն հանձնել տեղի ճանապարհային ոստիկանության շենքը: Հայտնի է, որ գրոհների հետեւանքով սպանվել են երեք հոգի եւ վիրավորվել 40-ը: Զոհվել է նաեւ պայթյուններ իրականացրած վեց մահապարտ:

---