Հայաստանի նախագահը համաձայնել է Վաշինգտոնում հանդիպելԹուրքիայի վարչապետի հետ
08-04-2010 14:48:00 | Հայաստան | Քաղաքական
ԵՐԵՎԱՆ, 8 ԱՊՐԻԼԻ, ՆՈՅՅԱՆ ՏԱՊԱՆ: Հայաստանի նախագահ Սերժ
Սարգսյանը ապրիլի 7-ին ընդունել է Թուրքիայի Հանրապետության
վարչապետ Ռեջեփ Թայիփ Էրդողանի առաջարկը` Վաշինգտոնում երկկողմ
հանդիպում կազմակերպելու վերաբերյալ: Այս մասին տեղեկությունը
«ՆՏ»-ի հետ զրույցում հաստատեց ՀՀ նախագաի մամուլի քարտուղար Արմեն
Արզումանյանը: Սարգսյան-Էրդողան հանդիպումը, ինչպես նաեւ ՀՀ
նախագահի եւ ԱՄՆ-ի նախագահ Բարաք Օբամայի հանդիպումը կայանալու է
ապրիլի 12-13-ին Վաշինգտոնում անցկացվելիք Գլոբալ միջուկային
անվտանգության հարցերով գագաթաժողովի շրջանակներում:
Հիշեցնենք, որ նախօրեին ՀՀ նախագահը ընդունել էր Թուրքիայի
վարչապետ Էրդողանի հատուկ բանագնաց Ֆերիդուն Սինիրլիօղլուին, ով
նաեւ Թուրքիայի առաջին փոխարտգործնախարարն է: Վերջինս Հայաստանի
նախագահին փոխանցել էր գրավոր ուղերձ վարչապետ Էրդողանից եւ
բանավոր ուղերձներ Թուրքիայի նախագահի եւ արտգործնախարարի կողմից: