«Արարատը վկա» երաժշտական նախագիծը՝ նվիրված 1915 թ. հայերի նկատմամբ իրականացված ցեղասպանության զոհերի հիշատակի 100-ամյակին (Տեսանյութ)
24-10-2014 12:00:00 | Հայաստան | Մամլո հաղորդագրություն
«Աշխարհի Մարդիկ» հիմնադրամը ներկայացնում է «Արարատը վկա» երաժշտական նախագիծը՝ նվիրված 1915 թ. հայերի նկատմամբ իրականացված ցեղասպանության զոհերի հիշատակի 100-ամյակին:
Նախագիծը «Աշխարհի Մարդիկ» հիմնադրամի ստեղծագործական խմբի՝ երգի կոմպոզիտոր և բառերի հեղինակ Էլինա Սամարինայի, երգի կատարող Էդուարդ Մհերի, տեսահոլովակի գաղափարի հեղինակ և ռեժիսոր Սերժ Գաբյանի, պրոդյուսեր Ստեֆան Հեքիմյանի և նախագծի տնօրեն Աննա Նազարուկի համատեղ գործունեության արդյունքն է:
Նախագիծը նախաձեռնողը՝ հայկական պատմա-մշակութային ժառանգության զարգացման օժանդակության «Աշխարհի Մարդիկ»հիմնադրամն է, որը գործում է Ռուսաստանում և հայերի բնակության այլ երկրներում: Հիմնադրամի առաքելությունն ու նպատակն է բոլոր մատչելի միջոցներով սատարել և օժանդակել հայ ժողովրդի և Հայաստանի դրական կերպարի և բարձր վարկանիշի ստեղծմանը և պահպանմանը՝ համաշխարհային հանրության ուշադրությունը գրավելով ամբողջ աշխարհում բնակվող հայերի կողմից ստեղծված բազմարժեք ու բազմակողմանի սոցիալ-մշակութային ժառանգության վրա:
«Արարատը վկա» երաժշտական տեսահոլովակի նպատակն է ևս մեկ անգամ հիշեցնել ու թերևս նաև նպաստել համաշխարհային հանրության իրազեկմանը քսաներորդ դարի առաջին ցեղասպանության ողբերգության պատմական անարդարացիության կապակցությամբ հայ ժողովրդի անփարատ ցավի մասին:
Տեսահոլովակի միջոցով արտահայտված զգացմունքները կօգնեն միլիոնավոր մարդկանց գիտակցել և համակրել հայ ժողովրդի վշտին:
Երգը տվյալ թեմային նվիրված առաջին ռուսալեզու երաժշտական գործն է, որը թարգմանվել և կատարվել է նաև անգլերեն լեզվով:
Հայաստանում նախագծի ներկայացմանը օժանդակել է Հայաստանի Սփյուռքի նախարարությունը: