ԵՐԵՎԱՆ, 22 ՓԵՏՐՎԱՐԻ, ՆՈՅՅԱՆ ՏԱՊԱՆ: Հաաստանի Ազգային անվտանգության խորհրդի քարտուղար Արթուր Բաղդասարյանի եւ ԱՄՆ փոխպետքարտուղարի տեղակալ Անն Գանզերի փետրվարի 22-ի հանդնպմանը քննարկվել են Հայաստանի սահմանային ենթակառուցվածքների արդիականացման եւ սահմանային անվտանգության ապահովման խնդիրները: Ա.Բաղդասարյանը ներկայացրել է սահմանային ենթակառուցվածքների արդիականացման եւ սահմանային անվտանգության ամրապնդման ուղղությամբ իրականացվող աշխատանքները: Կարեւորվել է Հայաստանի սահմանային անվտանգության ռազմավարության մշակումը եւ իրականացումը` միջազգային չափանիշներին համապատասխան, հիմնահարց, որը ներառված է նաեւ Հայաստան-ՆԱՏՕ անհատական գործընկերության ծրագրում: Ըստ ՀՀ ԱԱԽ-ի քարտուղարի մամուլի գրասենյակի հաղորդագրության, նույն օրը Ա.Բաղդասարյանն ընդունել է Հայաստանում Ռուսաստանի Դաշնության արտակարգ եւ լիազոր դեսպան Վյաչեսլավ Կովալենկոյին: Հանդիպմանը քննարկվել են անվտանգության ոլորտում հայ-ռուսական համագործակցությանն առնչվող խնդիրներ: Կարեւորվել է համագործակցության խորացումը Հայաստանի եւ Ռուսաստանի անվտանգության խորհուրդների միջեւ, ինչպես նաեւ` համագործակցության ակտիվացումը ՀԱՊԿ-ի շրջանակում:

---