Ավարտվել է ԶԼՄ-ների ներկայացուցիչների միջև սեղանի թենիսի առաջնությունը

16-02-2015 18:24:27 | Հայաստան | Սպորտ

«Հայաստան» մարզական միության «Սպարտակ» մարզադահլիճում կայացավ ԶԼՄ-ների ներկայացուցիչների միջև սեղանի թենիսի տղամարդկանց և կանանց անհատական 6-րդ առաջնությունը: Հայաստանյան ԶԼՄ-ների ներկայացուցիչները հավաքվել էին մեկ հարկի տակ` հանուն առողջ մարզական ոգու և արդար մրցակցության:

Առաջնությունը կազմակերպել էր «Առավոտ» օրաթերթը: Առաջնության գլխավոր մրցավարներն էին միջազգային կարգի մրցավարներ Ֆելիքս Սարգսյանը և Գոհար Խանզրատյանը:

Արդեն ավանդական դարձած առաջնությանը մասնակցելու հայտ էին ներկայացրել 17 լրատվամիջոցների 42 աշխատակից (23 տղամարդ և 19 կին):

Վեցերորդ տարին անընդմեջ առաջնության հովանավորը ՎիվաՍել-ՄՏՍ ընկերությունն է, որն այս տարի տղամարդկանց և կանանց մրցաշարերի հաղթողներին (1-ին, 2-րդ և 3-րդ տեղերը զբաղեցնողներին), նվիրեց Alcatel Pop C7

սմարթֆոններ: Սմարթֆոններ ստացան նաև գլխավոր մրցավարները:

ՎիվաՍել-ՄՏՍ-ը գործուն մասնակցություն ունի երկրի հասարակական կյանքում` տևականորեն ընդառաջելով հանրապետությունում սպորտի մասսայականացմամբ ու առողջ ապրելակերպի տարածմամբ զբաղվող կազմակերպությունների օգնության կոչերին:

Տղամարդկանց և կանանց անհատական 5-րդ առաջնության հաղթողներ.

N Տղամարդիկ/ԶԼՄ N Կանայք/ԶԼՄ

1 Սամվել Ջինանյան/«Երկիր Մեդիա» Մարինե Կարապետյան/«Երկիր Մեդիա»

2 Աշոտ Հակոբյան/«Առավոտ» Անահիտ Ակմակժյան/«Առավոտ»

3 Վիգեն Կիրակոսյան/Տոտալ ֆուտբոլ Լիլիթ Գալստյան/«Երկիր Մեդիա»

Նոյյան տապան - Սպորտ