Տնտմրցակցության պաշտպանության պետհանձնաժողովը մերժել է
«Ամիկուսի» վարչական բողոքը
16-02-2010 20:50:00 | Հայաստան | Տնտեսություն
ԵՐԵՎԱՆ, 16 ՓԵՏՐՎԱՐԻ, ՆՈՅՅԱՆ ՏԱՊԱՆ: Հայաստանի Տնտեսական
մրցակցության պաշտպանության պետական հանձնաժողովի փետրվարի 16-ի
նիստում քննարկվել է դեղորայքի շուկայում գործող «Ամիկուս»
ընկերության վարչական բողոքը` հակամրցակցային համաձայնության համար
տուգանքի որոշումն ընկերության մասով ուժը կորցրած ճանաչելու
մասին:
«Ամիկուսը» հանձնաժողովի որոշմամբ տուգանվել է իր նախորդ
տարվա հասույթի 2 տոկոսի չափով` մոտ 18,4 միլիոն դրամով: Տուգանքն
ընկերության նկատմամբ կիրառվել է` նախորդ տարվա
սեպտեմբեր-նոյեմբերին հակամրցակցային համաձայնության արդյունքում
միաժամանակյա (որոշակի ժամանակահատվածում) առաջին անհրաժեշտության
մի շարք դեղերի իրացման գները չհիմնավորված բարձրացնելու համար:
Ըստ ուսումնասիրության, համակամրցակցային համաձայնությունը կայացել
է դեղորայքի շուկայում գործող 7 խոշոր, իրացման ծավալներով շուկայի
առաջատարները համարվող ընկերությունների միջեւ:
«Ամիկուսի» վարչական բողոքում նշված փաստերը, հանձնաժողովի
գնահատմամբ, հիմնավորված չէին, ուստի բողոքը մերժվել է եւ
հակամրցակցային համաձայնության մասին հանձնաժողովի որոշումն ուժի
մեջ մնացել: