Հայոց ցեղասպանության զոհերի հիշատակին նվիրված ցուցահանդես Ալմելոյում
13-03-2015 18:01:08 | Նիդեռլանդներ | Մշակույթ
Մարտի 12-ին Նիդերլանդների Ալմելո քաղաքի հանրային գրադարանում բացվեց ցուցահանդես` նվիրված Հայոց ցեղասպանությանն ու ասորիների ջարդերին: Ցուցահանդեսը կազմակերպվել է Ալեմլոյի հայ և ասորի համայնքների կողմից կազմված «1915» կոմիտեի կողմից:
Ցուցահանդեսի բացմանը ելույթով հանդես եկան Նիդերլանդների «Քրիստոնեական միություն» կուսակցության նախագահ Արի Սլոբը, Նիդերլանդներում ՀՀ դեսպան Ձյունիկ Աղաջանյանը և Հայ Դատի ներկայացուցիչ Մինաս Արսենյանը:
Ցուցահանդեսում ներկայացված են 20-րդ դարասկզբին իրականացված ցեղասպանության 8 բաղադրիչները, Հայոց ցեղասպանության աշխարհագրությունը, համաշխարհային մամուլի առաջին էջերի անդրադարձերը հայկական ջարդերին ու Ցեղասպանությանը, ինչպես նաև ասորիների ջարդի վերաբերյալ տվյալները:
ՀԱՅԵՐԵՆ
Русский
English
Դաս. հայերեն
French
