Հրանուշ Հակոբյանը եւ Մովսես Հերգելյանը քննարկել են
Հայրենիք-Սփյուռք մշակութային գործակցությանն առնչվող հարցեր
17-12-2010 20:36:25 | Հայաստան | Մշակույթ
ԵՐԵՎԱՆ, 17 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 17-ին ՀՀ
սփյուռքի նախարար Հրանուշ Հակոբյանն ընդունեց Բեյրութի «Նոյյան
տապան» ցուցասրահի տնօրեն, արվեստաբան, հրապարակախոս Մովսես
Հերգելյանին:
Նոյեմբերի 23-ին Լիբանանում կազմակերպվել էր լիբանանահայ
արվեստագետների, քանդակագործների, գեղանկարիչների, դիզայներների եւ
ցուցասրահների տնօրենների հավաք-հանդիպում, որի ժամանակ քննարկվել
են սեպտեմբերի 6-8-ին Երեւանում ՀՀ Սփյուռքի նախարարության
նախաձեռնությամբ կազմակերպված «Արվեստը եւ բիզնեսը, արվեստը եւ
համացանցը» խորագրով կերպարվեստի գործիչների համահայկական
համաժողովի ժամանակ բարձրացված հարցերը:
Նշված հավաք-հանդիպման ընթացքում, որին մասնակցել է շուրջ 40
արվեստագետ, Մ.Հերգելյանը զեկուցել էր երեւանյան համաժողովի
արդյունքների, ընդունած որոշումների եւ առաջարկությունների մասին:
Հ.Հակոբյանը հյուրին ներկայացրեց նախարարության կողմից
իրականացվող մշակութային ծրագրերը: Հանդիպմանը քննարկվեցին
Հայրենիք-Սփյուռք մշակութային գործակցությանն առնչվող հարցերը,
Հայաստանի եւ Արցախի անկախության 20-ամյակի առթիվ Հայաստանում
ցուցահանդես կազմակերպելու հնարավորությունները:
*02c-tr-te #05 %00 >00e &06 .am ~YE 17/12/10