Նախագահ Բակո Սահակյանն այցելել է Կաշենի լեռնահանքային համալիր

17-07-2015 17:40:13 | | Մամլո հաղորդագրություն

Արցախի Հանրապետության Նախագահ Բակո Սահակյանը հուլիսի 17-ին այցելել է Կաշենի լեռնահանքային համալիր եւ ծանոթացել այնտեղ տարվող աշխատանքներին:

Նախագահ Սահակյանը նշել է, որ պետությունը մեծ ուշադրություն է դարձնում հանքարդյունաբերության զարգացմանը` այն համարելով Արցախի տնտեսության առանցքային բաղադրիչներից մեկը:

Նույն օրը Բակո Սահակյանն այցելել է Ասկերանի շրջանի մի շարք գյուղատնտեսական դաշտեր եւ ծանոթացել այնտեղ կիրառվող ոռոգման ժամանակակից տեխնոլոգիաներին: Երկրի ղեկավարն ընդգծել է, որ իշխանություններն այսուհետ էլ կարեւոր տեղ են հատկացնելու գյուղատնտեսության ոլորտում առաջատար փորձի կիրառման հարցերին:

Նախագահին ուղեկցում էին վարչապետ Արա Հարությունյանը, պաշտոնատար այլ անձինք:

ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ

ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ

Նոյյան տապան - Մամլո հաղորդագրություն