ԱՄՆ-ն նախազգուշացնում է Իտալիայում և Վատկանում սպասվող ահաբեկչությունների մասին
19-11-2015 19:40:10 | ԱՄՆ | Միջազգային
Չորեքշաբթի ԱՄՆ պետքարտուղարությունը զգուշացրել է Իտալիայում և Վատիկանում հնարավոր ահաբեկչական հարձակումների մասին: Ինչպես տեղեկացնում է lenta.ru-ն` վկայակոչելով ABC News-ին, ծայրահեղականների հավանական թիրախներ կարող են դառնալ Սուրբ Պետրոսի և Միլանի տաճարներն ու «Լա Սկալա» օպերային թատրոնը, որտեղ թատերաշրջանը սկսվելու է դեկտեմբերի 7-ից: Բացի այդ, հնարավոր են հարձակումներ եկեղեցիների, ժողովարանների, հյուրանոցների և թատրոնների վրա:
Հռոմում Ամերիկյան դեսպանատունը նախազգուշական հաղորդագրություն է տարածել Իտալիայում գտնվող ԱՄՆ քաղաքացիների համար, որում, մասնավորապես, ասվում է. «Ահաբեկչական խմբավորումները կարող են օգտագործել այն նույն մեթոդները, ինչ Ֆրանիսայի ահաբեկչության ժամանակ: Իտալիայի իշխանությունները տեղյակ են այդ սպառնալիքների մասին»:
Բացի այդ, դիվանագետները կոչ են արել ԱՄՆ քաղաքացիներին աչալուրջ լինել:
ՀԱՅԵՐԵՆ
Русский
English
Դաս. հայերեն
French
