Մոսկվայում բեռնատարների վարորդները գործադուլ են սկսել նախագահի աշխատակազմի շենքի դիմաց

14-12-2015 16:49:28 | Ռուսաստան | Հասարակություն

Մոսկվայում նախագահի աշխատակազմի շենքի դիմաց բեռնատարների վարորդները գործադուլ են սկսել:

Ինչպես տեղեկացնում է gazeta.ru-ն` հղում անելով «Говорит Москва»-ին, հանրահավաքին ներկա են Պետդումայի պատգամավորներ, այդ թվում նաև Ռուսաստանի Կոմունիստական կուսակցությունից:

Նշվում է, որ հանրահավաքը կազմակերպվել է կուսակության կողմից` բեռնատարների վարորդների խնդրանքով:

Ինչպես հայտարարել են վարորդները, նրանք ազնվորեն են կատարում բեռնափոխադրումները: Հանրահավաքին ներկա է մոտ 100 մարդ:

Ավելի վաղ հաղորդվել էր, որ բեռնատարների վարորդները տեսաուղերձով պահանջել էին Վլադիմիր Պուտինից «Պլատոն» համակարգի չեղարկման համար հանրաքվե իրականացնել:

Հավելենք, որ «Պլատոն» համակարգը նախատեսված է ծանր բեռնատարների վարորդներից վճարներ հավաքագրելու համար և Ռուսաստանում ներդրվել է նոյեմբերի 15-ից:

Նոյյան տապան - Հասարակություն

Կարդացել են 814 անգամ

https://s1.merlive.am/Noian_Tapan/embed.html?autoplay=false&play

Մոսկվայում բեռնատարների վարորդները գործադուլ են սկսել նախագահի աշխատակազմի շենքի դիմաց

Noyan Tapan TV