Ստամբուլում հնչած պայթյունի հետևանքով զոհվել է 10 և վիրավորվել 15 մարդ

12-01-2016 14:39:45 | Թուրքիա | Հասարակություն

Ստամբուլի նահանգապետի վարչակազմը տեղեկություն է տարածել «Սուլթանհամիդ» հրապարակում այսօր հնչած պայթյունի հետևանքով զոհվածների և վիրավորների մասին: korrespondent.net-ի փոխանցմամբ` պայթյունի հետևանքով զոհվել է 10 մարդ, վիրավորվել` 15-ը:

Ինչպես տեղեկացրել են ականատեսները, դեպքի վայրում ընկած են մարմինների հատվածներ: Ավելի վաղ, Hurriyet պարբերականի փոխանցմամբ` պայթյունը կարող էր իրականացնել մահապարտ-ահաբեկիչը, իսկ CNN Turk-ի թղթակցի տեղեկացմամբ` տուժածների մեծ մասը զբոսաշրջիկներ են:

«Ոստիկանությունը ներկայումս հետախուզում են հրապարակի տարածքը, որպեսզի պարզեն, թե արդյոք այլ ռումբեր կան թե ոչ»,- հաղորդել է նա:

Հիշեցնենք, որ հունվարի 12-ին Ստամբուլի կենտրոնում «Սուլթանհամիդ» հրապարակում պայթյուն էր տեղի ունեցել:

Նոյյան տապան - Հասարակություն

Կարդացել են 809 անգամ

https://s1.merlive.am/Noian_Tapan/embed.html?autoplay=false&play

Ստամբուլում հնչած պայթյունի հետևանքով զոհվել է 10 և վիրավորվել 15 մարդ

Noyan Tapan TV