ՔԱԿ-ի հարձակման հետևանքով Թուրքիայում երեք ոստիկան է մահացել . ԶԼՄ-ներ
18-01-2016 15:57:08 | Թուրքիա | Հասարակություն
Թուրքիայի հյուսիս-արևելյան Շիրնակ գավառի Ջիզրե շրջանում երկրում արգելված Քուրդիստանի աշխատավորական կուսակցության (ՔԱԿ) զինյալների հարձակումների հետևանքով մահացել է երեք թուրք ոստիկան:
Ինչպես տեղեկացնում է ria.ru-ն, վերջին երկու օրերի ընթացքում քուրդ զինյալների հարձակումների հատևանքով ավելի քան 30 թուրք զինվոր և ոստիկան է զոհվել:
Հիշեցնենք, որ երեքշաբթի օրը, Թուրքիայի արևելյան Իգդիր նահանգում միկրոավտոբուս էր վթարվել, որի հետևանքով 13 ոստիկան էր մահացել:
Հավելենք նաև, որ Թուրքիայում իրավիճակը կտրուկ վատացել է հուլիսի 20-ին Սիրիայի սահմանի մոտ «Իսլամական պետություն» ահաբեկչական խմբավորման զինյալների կազմակերպած հարձակումից հետո, իսկ Թուրքիայի հարավ-արևելյան նահանգներում ոստիկանների սպանությունների պատասխանատվությունն իր վրա է վերցրել Քուրդիստանի աշխատավորական կուսակցությունը: