Գերմանիա է ժամանել սիրացի փախստականների առաջին խումբը
04-04-2016 18:09:41 | Գերմանիա | Միջազգային
Թուրքիայից գերմանական Հանովեր քաղաք է ժամանել սիրիացի փախստականներ տեղափոխող առաջին ինքնաթիռը:
korrespondent.net-ի փոխանցմամբ` Ստամբուլից թռչած առաջին չվերթում եղել է 16 մարդ, ևս նույնքան հաջորդ չվերթով երկու ժամ հետո ժամանել են Հանովեր:
Ավելի վաղ հաղորդվել էր, որ յդ օրը թուրքական սահմանից Գերմանիա կտեղափոխվի շուրջ 40 սիրիացի փախստական: ՄԱԿ-ի Փախստականների հարցերով գերագույն հանաձնակատարի գրասենյակի կողմից ընտրված Սիրիայի քաղաքացիներին կտեղափոխեն Ֆրիլանդ քաղաք և կտեղավորեն փախստականների համար նախատեսված ճամբարում, որտեղ նրանք կանցկացնեն երկու շաբաթ: