Չինաստանը պատժամիջոցներ է կիրառել Հյուսիսային Կորեայի նկատմամբ
05-04-2016 17:41:54 | Չինաստան | Միջազգային
Չինաստանը սահմանափակումներ է դրել Հյուսիսային Կորեայից ներկրվող ածուխի և Փհենյան մատակարարվող ավիացիոն վառելիքի վրա: korrespondent.net-ի փոխանցմամբ` այդ պատժամիջոցները Պեկինը կիրառել է ՄԱԿ-ի Անվտանգության խորհրդի` մարտի 2-ին ընդունված բանաձևին համապատասխան:
Պատժամիջոցները ենթադրում են վերջին 20 տարվա ընթացքում Հյուսիսային Կորեայի դեմ կիրառված պատժամիջոցներից ամենակոշտը: Միաժամանակ չինական պատժամիջոցները թույլատրում են Հյուսիսային Կորեայից ածուխի, երկաթի հանքաքարի և քաղաքացիական նպատակներով օգտագործվող այլ հանքային նյութերի ներմուծումը:
Բացի այդ, Պեկինն արգելել է ցանկացած տեսակ առևտրային գործողությունները, որոնք կապ կունենան Հյուսիսային Կորեայի հրթիռային և միջուկային ծրագրերի հետ:
Նմանատիպ սահմանափակումների պատճառ են դարձել Հյուսիսային Կորեայի կողմից միջուկային փորձարկումները և բալիստիկ հրթիռի արձակումը: