Գերմանիան ղարաբաղյան կոնֆլիկտը կարգավորելու ծրագիր է մշակել
12-04-2016 18:33:01 | Գերմանիա | Հասարակություն
Պաշտոնական Բեռլինը ղարաբաղյան կոնֆլիկտը կարգավորելու ծրագիր է մշակել: Interfax.ru-ի փոխանցմամբ` այդ մասին հայտարարել է Հայաստանում Գերմանիայի դեսպան Մաթիաս Քիսլերը:
Նրա փոխանցմամբ` Գերմանիան ներքին փաստաթուղթ է թողարկել` բաղկացած յոթ կետից: Ծրագիրը չի նախատեսում կոնֆլիկտի լուծման ճանապարհներ, քանի որ համապատասխան լիազորություններով օժտված են ԵԱՀԿ Մինսկի խմբի համանախագահները, սակայն ներկայացնում է մի քանի հիմնական առաջարկներ, որոնցից գլխավորը և կարևորը հանդիսանում է հրադադարի պահպանման ռեժիմը:
Միևնույն ժամանակ դեսպանը չի բացահայտել փաստաթղթի մանրամասներ: Նա նաև նշել է, որ չի տիրապետում տեղեկատվության այն մասին, թե տվյալ փաստաթուղթը քննարկվել է ԵԱՀԿ Մինսկի խմբի համանախագահների հետ թե ոչ: