18-04-2016 19:07:51 | Մեծ Բրիտանիա | Հասարակություն
Մեծ Բրիտանիան 10 մլն եվրո է տրամադրել Լիբիային ահաբեկչության դեմ պայքարի և տնտեսության վերականգնման համար: gazeta.ru-ի փոխանցմամբ` այդ մասին տեղեկացվում է բրիտանական արտգործնախարարության պաշտոնական կայքում:
Հայտարարությունում նաև տեղեկացվում է, որ Մեծ Բրիտանիայի արտգործնախարար Ֆիլիպ Համոդի այցելության ընթացքում 10 մլն եվրո հատկացվել է ազգային համաձայնության կառավարությանը:
Նշվում է, որ այդ գումարը ներառում է 1,5 մլն եվրո ապօրինի միգրացիայի, մաքսանենգության և կազմակերպված հանցագործության դեմ պայքարի համար, ինչպես նաև 1,8 մլն եվրո ահաբեկչության դեմ:
Բանակցությունների ընթացքում Ֆ. Համոդը ողջունել է ազգային միասնության կառավարության ղեկավարի ջանքերը անվտանգության, տնտեսության վերականգնման և ի շահ լիբիացի ժողովրդի սոցիալական ծառայությունների աշխատանքը: