Բաքվում ամերիկացի դիվանագետի մեքենայի ուղղությամբ գնդակ է արձակվել
22-04-2016 18:24:32 | Ադրբեջան | Հասարակություն
Բաքվում ԱՄՆ-ի փոխդեսպան Դերիկա Հոգանի մեքենայի ուղղությամբ գնդակ է արձակվել, սակայն ոչ ոք չի տուժել: Interfax.ru-ի փոխանցմամբ` դեպքը տեղի է ունեցել կոնֆլիկտի վայրում, որտեղ կայանել է դիվանագետի մեքենան:
Նշվում է, որ գնդակը դիպչել է դիվանագետի մեքենային «Բուլագ» ռեստորանի այցելուների միջև բռնկված զինված բախման ընթացքում, որը կատարվել է Բադամդար գյուղի տարածքում:
Նախնական տվյալներով` ռեստորանի այցելուների միջև վեճը ծագել է խոշոր գումարի պատճառով: Միջադեպի մասնակիցները պայմանավորվել են հաստատությունում քննարկելը պարտքը, նրանցից մեկը նախատեսված հանդիպմանը ներկայացել է զինված և կրակահերթ է բացել ռեստորանի բակում: